“Айтүүлс” ХК-ийн Төлөөлөн удирдах зөвлөлийн 2024 оны 2 дугаар сарын 7-ны өдрийн №24/004 тоот тогтоолоор компанийн 2023 оны жилийн эцсийн цэвэр ашгийн 43 /дөчин гурав/ хувь буюу 103,356,372 төгрөгийг нийт хувьцаа эзэмшигчдэд ногдол ашиг болгон хуваарилахаар шийдвэрлэлээ. Тус шийдвэрийн дагуу нэгж хувьцаа тус бүрд 3 /гурван төгрөг/ төгрөгөөр тооцож ногдол ашгийг хуваарилна. Ногдол ашиг авах эрхтэй компанийн энгийн хувьцаа эзэмшигчдийн нэрсийн жагсаалт гаргах өдрийг Хувьцаа эзэмшигчдийн ээлжит хуралд оролцох эрхтэй хувьцаа эзэмшигчдийн нэрсийн жагсаалт гаргах бүртгэлийн өдрөөр тогтоож, ногдол ашгийг 2024 оны 5 дугаар сарын 31-ний өдөр “ҮЦТХТ” ХХК-иар дамжуулж олгоно.
Дижитал орчны үнэ цэнийг хүчирхэгжүүлэх бидний үйл ажиллагаа, бүтээн байгуулалтыг үргэлж дэмжиж байдаг хувьцаа эзэмшигчид, эрхэм түншүүд, харилцагч та бүхэндээ талархлаа илэрхийлье.
Компанийн зүгээс цаашид хувьцааны үнэ цэнийг нэмэгдүүлэх, хөрвөх чадварыг сайжруулах чиглэлээр шат дараатай арга хэмжээг авч хэрэгжүүлэхээр зорин ажиллаж байна.
Та энд дарж “Айтүүлс” ХК-ийн Төлөөлөн удирдах зөвлөлийн тогтоолтой танилцана уу.
