Айтүүлс ХК нь дата төвийн тоног төхөөрөмжийн шинэчлэлийг тасралтгүй хийсээр ирсэн ба дата төвийн үйл ажиллагаандаа ашиглаж байсан тоног төхөөрөмжийг шаардлага бүхий сургууль болон ТББ-уудад хандивладаг билээ.
Энэ удаад 9 төрлийн 22 ширхэг сервер тоног төхөөрөмжийг Мандах дээд сургууль, NEST IT School болон бусад компани, хувь хүмүүст хандивлалаа. Ингэснээр Мэдээлэл Технологийн чиглэлээр суралцаж байгаа оюутан залуус сервертэй танилцах, бодитоор туршин ажиллаж үзэх боломжтой болж байна.
