И-мэйл маркетингийг зарим хүмүүс хуучирсан гэж үздэг ч бодит байдал дээр өнөө цагийн хамгийн өндөр өгөөжтэй (ROI) маркетингийн суваг хэвээр байна. Гэхдээ уншигчид өдөр бүр олон арван и-мэйл хүлээж авдаг болсон тул таны и-мэйл анхаарал татаж, үр дүн өгөхөд илүү нарийн төлөвлөлт шаарддаг болсон. Тэгвэл хэрхэн оновчтой и-мэйл маркетинг хийх вэ?
Доорх таван зарчимд анхаарал хандуулснаар та зөвхөн и-мэйл илгээхгүй, харин хариу үйлдэл дагуулсан бодит харилцаа үүсгэх боломжтой болно.
- Зөв хүнд хүргэх нь хамгийн чухал
Хэрэглэгч өөрөө сонирхож, бүртгүүлсэн бол танд хариу өгөх магадлал өндөр. Бүртгүүлээгүй, сонирхоогүй, холбоогүй хүнд и-мэйл илгээх нь зохимжгүй ба таны и-мэйл спам хавтсанд орж, байгууллагын нэр хүндэд сөргөөр нөлөөлдөг.
Санамж болгож хэлэхэд:
- И-мэйл жагсаалт худалдан авах нь спамд тооцогдох эрсдэлтэй
- Хуучин, баталгаагүй контакт руу илгээсэн и-мэйл үр дүн багатай, нэр хүндэд сөргөөр нөлөөлөх боломжтой.
- Хүлээн авагчийн зөвшөөрөлтэй, зорилтот и-мэйл илгээх нь илүү үр дүнтэй байдаг.
- Хүлээн авагч хүсвэл бүртгэлээс гарах боломжтой unsubscribe холбоосыг и-мэйл бүрд оруулаарай.
- Жагсаалтуудыг бүлэглэх
Ижил агуулгатай и-мэйлийг бүх хүнд илгээх нь үр дүн багатай арга юм. Харин хэрэглэгчдийг хэрэглээ, хандлага, сонирхлоор нь ангилж, тохирсон агуулга бэлдсэнээр таны илгээсэн и-мэйл илүү үр дүнд хүрнэ.
Жишээ сегментүүд:
- Тогтмол хэрэглэгчид
- Шинэ хэрэглэгчид
- Түр хугацаанд үйлчилгээ авахаа больсон хэрэглэгчид
📊 Судалгаагаар:
- Сегмент хийсэн и-мэйлүүдийн open rate 39%-иар нэмэгддэг
- Unsubscribe rate 28%-иар буурдаг
- Борлуулалт дунджаар 24%-иар өсдөг
Тиймээс хэрэглэгчдийг сегментчилж, тэдэнд тохирсон агуулгатай и-мэйл илгээх нь борлуулалтаа өсгөх, хэрэглэгчийн оролцоог нэмэгдүүлэх, харилцааг хадгалах чухал үйлдэл юм.
- И-мэйлийг байгууллагын төлөөлөх ажилтан илгээх
“info@yourcompany” гэх мэт ерөнхий хаягтай и-мэйлүүдийг хүмүүс ихэвчлэн анзааралгүй орхих нь элбэг. Харин “bat@yourcompany” гэх мэт тодорхой хүний нэртэй хаяг илүү итгэл төрүүлж, унших магадлалыг нэмэгдүүлдэг.
Зөвлөмж:
- И-мэйлээ байгууллагын нэрийн өмнөөс бус, тодорхой хүний нэрээр илгээх нь илүү үр дүнтэй байдаг.
• Хүлээн авагчийн төрөл, сегментэд тохируулан илгээгчээ сонгох нь зүйтэй. Жишээлбэл, борлуулалтын сегментэд VP of Sales, олон нийттэй харилцах сегментэд PR директорын нэрийг ашиглаж болно.
- Subject Line — Таны эхний боломж
Subject line буюу гарчиг нь уншигч тухайн и-мэйлийг нээх үү, үгүй юу гэдгийг шийдэх анхны хүчин зүйл. Энэ хэсэгт сонирхол татахуйц, тодорхой байдлыг хослуулж өгөх хэрэгтэй.
Жишээ нь:
- “Таны вэбсайтыг сайжруулах 3 зөвлөмж”
- “2025 оны маркетингийн трендүүд”
Зөвлөгөө:
- 50 тэмдэгтээс урт байвал хэт нуршуу болох магадлалтай
- Товч бөгөөд тодорхой
- Агуулга — Богино, ойлгомжтой, урам өгсөн байх
Хэт урт, нуршсан и-мэйлүүдийг хүмүүс уншилгүй алгасдаг. Харин уншигчтай харилцаж буй мэт бичиж, үндсэн санаагаа эхэнд нь тодруулбал үр дүн илүү сайжирна.
Зөвлөмжүүд:
- Эхний өгүүлбэрт гол санаагаа хэлэх
- Чухал санааг Bold ашиглан онцлох
- Bullet-ээр хураангуй байдлаар илэрхийлэх
- Дараагийн алхмыг тодорхой зааж өгөх: Click here, Reply, Register гэх мэт
Жишээ:
- Сошиал маркетингийн вэбинар
- Facebook engagement-ээ 2 дахин өсгөх аргууд
- LinkedIn ашиглан B2B борлуулалтаа нэмэгдүүлэх
- Reels контент хийх хялбар аргачлал
👉 Бүртгүүлэх товчийг оруулахаа мартуузай
И-мэйл маркетингийн үр дүн нь таны төлөвлөлт, уялдаа холбоо, хэрэглэгчийн туршлага дээр үндэслэгддэг. Эдгээр 5 зарчмыг хэрэгжүүлснээр:
✅ Хүлээн авагчид тань итгэнэ
✅ Идэвхтэй уншигчидтай болно
✅ Борлуулалтын шугамд бодит үр дүн бий болно
И-мэйл маркетинг бол зөвхөн мэдээлэл түгээх хэрэгсэл биш — харилцаа үүсгэх, итгэл бий болгох стратегийн гол суваг юм.
Хэрвээ та зөв хэрэглэгчид рүү, зөв мессежийг, зөв цагт илгээж чадвал и-мэйл маркетинг танай бизнесийн борлуулалтыг нэмэгдүүлэх хамгийн үр ашигтай хэрэгсэл болж чадна.
Айтүүлс ХК нь танд Maildy – Автоматжуулсан И-мэйл маркетингийн үйлчилгээг санал болгож байна.
Maildy нь таны байгууллагад зориулж олон хэрэглэгчдэд нэгэн зэрэг и-мэйл илгээх, хүлээн авалтыг хянах, зорилтот хэрэглэгчийн жагсаалт үүсгэх боломжийг олгодог мэргэжлийн үйлчилгээ бөгөөд дараах давуу талуудтай.
- Уян хатан нөхцөл: Өөрийн хэрэглээнд тааруулан хүссэн багцаа үүсгэн ашиглах боломжтой
- Хувийн тохиргоо: Зорилтот хэрэглэгчдийн жагсаалт үүсгэх боломж.
- Түргэн шуурхай: Богино хугацаанд олон хэрэглэгчдэд нэгэн зэрэг хүргэх боломж.
- Бодит тайлан: Илгээсэн и-мэйлүүдийн үр дүнг дэлгэрэнгүй хянах боломжтой.
- Тусламжийн үйлчилгээ: Бүтээгдэхүүн, үйлчилгээтэй холбоотой техникийн тусламжийн үйлчилгээг жилийн 365 хоногт өдөр бүр 24 цагаар утсаар болон чатаар тусламж үзүүлдэг.
