Эрхэм хэрэглэгчдийн анхааралд,
Нийгэм, эдийн засгийн байдал болон техник технологи хурдацтай хөгжиж зах зээлийн нөхцөл байдал хувьсан өөрчлөгдөж буй ч Айтүүлс ХК нь сүүлийн 2 жилийн хугацаанд үйлчилгээний үнэ тарифыг тогтмол дүнд барьж ирсэн билээ.
Гэвч бүтээгдэхүүн үйлчилгээний өртгийн үндсэн хэсэг болох цахилгаан, дулааны үнэ тарифын болон гадаад валютын ханшийн өсөлт, нийлүүлэгч байгууллагуудын үнийн нэмэгдэл зэрэг хүчин зүйлсээс хамааралтайгаар Айтүүлс ХК-ийн зарим үйлчилгээний үнэ тариф шинэчлэгдэж байгааг албан ёсоор хэрэглэгч та бүхэнд мэдэгдэж байна. Бид үйлчилгээний шинэчилсэн үнэ тарифыг 2024 оны 12 дугаар сарын 12-ний өдрөөс эхлэн үйл ажиллагаандаа мөрдөж, шинээр үйлчилгээ авч буй хэрэглэгчдийн хувьд даруй хэрэгжиж эхлэх ба өнөөдрийн байдлаар үйлчилгээгээ идэвхтэй ашиглаж байгаа хуучин хэрэглэгчдийн төлбөрийн хувьд 2025 оны 1 дүгээр сарын 13-ны өдрөөс эхлэн (буюу 30 хоногийн дараагаас) шинэчлэгдсэн үнэ тариф мөрдөгдөж эхэлнэ.
Энэхүү шинэчлэгдсэн үнэ тарифын мэдээлэл таны системд бүртгэлтэй и-мэйл хаяг дээр үйлчилгээний хугацаа дуусахаас 1 сарын өмнө нэхэмжлэхийн дагуу хүргэгдэх болно.
Биднийг сонгон үйлчлүүлдэг хэрэглэгч та бүхэнд баярлалаа.
Хүндэтгэсэн АЙТҮҮЛС ХК
